Nang nasa loob na kami ulit ni baygon katol sa fast-food chain ay huminto siya habang ako ay abala at nangangamba kung ano na ang nangyayari sa puso ko. Sigurado naman akong hindi ito in love kasi hindi naman ako nakakaramdam ng ganito kay Nick dati. Iyong tipong masaya lang ang nararamdaman ko kapag andiyan si Nick.
"Stupid girl, maghanap ka ng mauupuan natin habang nag-oorder ako ng pagkain mo," utos ni baygon katol.
Dahil sa abala ako sa nangyayari sa puso ko ay wala sa katinuan akong naglakad papuntang pintuan.
"Pst! Hoy! Stupid girl, saan ka pupunta?" tawag at tanong sa akin ni baygon katol.
"Pupunta sa pintuan. 'Di ba iyon ang sabi mo?"
"Ang sabi ko, maghanap ka ng mauupuan hindi pumunta ka sa pintuan."
"Iyon nga ang sabi ko. Maghanap ng pintuan este upuan. Tsk! Bingi ka na ba?
