روايه تزوجت اختي

البارت الثامن

(الحلقه الثامنه)

تزوجت اختي

مصطفي:مردتيش انتي عايزه تطلقي

ندي:مصطفي بلاش معايا الجو ده انت عارف الاجابه

مصطفي:اخر مره هسأل ياندي انتي عايزه تطلقي

ندي:يوه ﻻمش عايزه

مصطفي:ههههه منا عارف

ندي:انا عارفه انك عارف مترخمش عليا تاني

مصطفي:انا كنت عايز اسمعها منك اظن ان ده حقي

ندي:وكزته في كتفه وقالت رخم وغلس وانا بكرهك ثم قامت ومشت امامه خطوتين واعطته ظهرها فأته هو حاضنآ اياها من الخلف ثم همس في أوزنها

مصطفي:وانا كمان بحبك اوووووي ووضع بوسه خفيفه في عنقها وقال انا عارف انك محتاجه وقت علشان كده موافق تروحي الرحله مع صحابك

ندي:ادارت وجسمها ونظرت في عينه نظرت استعجاب وقالت وانت عرفت منين ان في رحله وانا عايزه اروحها

مصطفي:شيماء قالتلي وانا وافقت اهيه تبقي فرصه علشان تفكري كويس في موضوعنا

ندي:مصطفي انت مش فاهم قصدي ليه انا مش هفكر في موضعنا اساسا ﻻن مستحيل ابعد عنك انا بس عايزه اتعود علي حياتي ووضعي الجديد افهمني بقي

مصطفي:ومين قال اني مش فهمك محدش يقدر يفهمك قدي عارفك واقعه في حبي بس حابب ارخم ثم رفعها ليجلسها علي سور الكورنيش (مش لقيه اسم تاني غير سور اعزروني)

ندي:وكزته في ص*ره بترخم امم انت اصلا رخم الماده الخام للرخامه

مصطفي:اقترب منها اكثر وهي جالسه مباشرتآ امامه طب بذمتك انا رخم

ندي:بدلع مصطفي

مصطفي:ياعيون مصطفي

ندي:لو قربت مني هرمي نفسي في النيل ابعد شويه

مصطفي:بعدم اهتمام ارمي انا مش هبعد انا مبسوط كده وانتي كده كده مبتعرفيش تعومي يله اتكلي بقي انا اصلا اتخنقت منك

ندي:بقي كده واهون عليك

مصطفي:ﻻ طبعا متهونيش.فرتمت في حضنه

ندي:ربنا مايحرمنيش منك

مصطفي:اه تمام كده لبسنا قضيه فعل فاضح في الطريق العام

ندي:متأفورش مافيش حد غيرنا ثم بعدين انت ظابط محدش يقدر يكلمك

مصطفي: انتو فاهمين الحكومه غلط خالص هههه احنا بشر زيكو علي فكره ابعدي عن حضني بقي كده هنتأفش متلبسين

ندي:بدلع انت عايزني ابعد انا زعلانه منك

مصطفي:ياربي انتي عايزه ايه يابنت الناس دلوقتي ارحمي امي انا شب برضو وانتي مراتي فلمي يومك علشان شكلها كده اخرتها هخ*فك وانتي عارفه الباقي

ندي:هههه خلاص اباشا حرمت وعلي ايه خلينا بأدبنا احسن

مصطفي: طب يله الفجر هيأذن امك وابوكي هيطرودونا

ندي:ﻻ علشان خاطري عايزه اقعد كمان

مصطفي:ماشي ياندوش اللي انتي عايزاه.جلسو سويا يتأملو جمال الشروق سبحانك يالله ما اجمله من منظر امام العاشقين فمالت علي كتفه

مصطفي:ندي حبيبتي قومي انتي نمتي يله نروح

ندي: شلني

مصطفي:انتي نايمه وﻻ بتسعبطي بقي

ندي:بصوت نائم الاتنين

مصطفي:هههه طب يله ياختي.وبالفعل حملها وتوجه الي السياره وقاد السياره الي البيت

الام:هههه حمدلله علي السلامه انتو كل ماتخرجو هتدخل بيها شيلها انت بتعمل ايه في البت ياواد انت

مصطفي: اها هي طلبه هزار علي الصبح قولي هي اللي بتعمل فيا ايه ماما انا هنام ساعتين صحيني علشان اروح للقسم

الام:حاضر ماشي.ودخل غرفته غير ملابسه ونظر اليها وبعدين بقي اغيرلك الفستان ده ازاي انا وبالفعل هم لكي يبدل لها ملابسها فستيقظت

ندي:يافضحتي انت بتعمل فيا ايه اعترف انت مين

مصطفي:نعم ياروح طنط انا مين انا بابا يلا انا اللي خ*فك ومن اليوم ده انتي بتعتي هعمل فيكي مابدالي

ندي:هههه مش لايق عليك دورالشرير علي فكره

مصطفي:والله امال ﻻيق عليا دور ايه الحبيب مثلا واقترب اكثر

ندي:يوه يامصطفي بطل رخامه بقي

مصطفي:ابطل رخامه طب بطلي انتي قله ادب وروحي البسي حاجه علشان مش هبقي مسؤل علي اللي يحصل

ندي :هههه ﻻ وعلي ايه خليني بحترامي احسن انا اصلا عايزه اكمل نومي وكالعاده ام هو علي الارض وهي علي السرير واستمر الحال يومين ثم جاء وقت الرحله

الاب:انا مش عارف انت ليه وافقت مبحبش بنتي تبعد عني

مصطفي:كلها اسبوعين وهتيجي يابابا وانا هكلمها باستمرار متقلقش

ندي : الو ايوه مصطفي احنا وصلنا وبنزل في الشنط

مصطفي:خلي بالك من نفسك

ندي:حاضر

مصطفي:متكلميش حد غريب

ندي:حاضر

مصطفي :متنزليش الميه علي الشط بس

ندي:حاضر يامصطفي كنت جيت معايا احسن بدل السبع وصايا دي

مصطفي:ياريت علي الاقل الواحد كان ظبط نفسه بالبنات الحلوه اللي هناك

ندي:علشان كنت موتك

مصطفي:انا عمري مابص لوحده غيرك اصلا وحشتيني يارتني ماوفقت علي السفريه دي مش مرتاح

ندي:متقلقش ياحبيبي انا كويسه وهخلي بالي من نفسي(انتهت) ياتري مصطفي خايف من ايه وايه هيحصل ارائكو