Chaos
PARANG naugat ang aking paa sa sahig at hindi ko na magawang makahakbang.
Naririnig ko na kinakausap ng mga magulang niya si Tatiana. Umiiyak pa si Ma’am Triana dahil siguro masaya siya na nakaligtas ang kanyang anak.
Hindi ako nagsalita o kumilos. Hinayaan ko silang makapag-usap. Alam ko na kailangan nila iyon. Makakapaghintay naman ako kung kailan ko pwedeng makausap si Tatiana.
“Yoya!”
Nagtatalon si Caius nang makilala niya siguro si Ma’am Triana.
Nakuha namin ang atensyon nila. Nagulat pa sina Sir Zavian at Ma’am Triana nang makita kami.
“Naandito pala ang mga apo ko!”
Kumawala sa pagkakahawak sa kamay ko ang aking mga anak at mabilis na tumakbo sa kinaroroonan nina Ma’am Triana at Sir Zavian.
Nanatili pa rin ako sa pwesto ko at pinapanood lamang sila.
Nang mapatingin
