Blangko ang tingin ni Ahtisa sa kalendaryo. Ngayon na ang araw ng kasal nila ni Apollo, pero hindi pa rin ito bumabalik sa kanya. Wala siyang may natatanggap na tawag o text message mula rito. Wala rin siyang matitigang picture nila bukod sa litrato na galing sa instant camera. Iyon lang ang meron siya. Ang mga history ng messages at previous calls nila ay bigla ring nabubura sa logs, dahil sadyang pinatatanggal iyon ng binata.
Napasalampak siya ng upo sa malamig na sahig, habang ang mga mata ay hindi niya mapilas mula sa tinititigang petsa sa kalendaryo. Minarkahan pa niya iyon ng puso gamit ang kulay pulang marker pen.
Mamayang alas kuwatro na ang oras ng kasal nila.
“Apollo, matutuloy pa ba ang kasal natin?” mahina niyang tanong sa kawalan, sumabay sa tanong niyang iyon ang pagbagsa
