Blangko ang anyo ng mukha ni Ahtisa habang pinupukol ng walang interes na tingin ang umiilaw na screen ng cellphone niya. Nakaupo siya sa hospital bed at nakasandal ang likod sa headboard. Nakataas din hanggang baywang niya ang puting kumot.
Nasa ospital pa rin siya. Nailipat na siya sa ward, at nalagyan na ng benda ang sugat niya sa likod ng ulo. Bukod sa inisyal na bahagyang pagkahilo ay wala naman ng naging ibang epekto ang pinsala niya sa ulo dahil sa nangyaring aksidente.
Nagkulay ube na rin ang mga pasa niya sa katawan, pero nalagyan naman na ng gamot. Nalapatan na rin ng agarang lunas ang mga gasgas at sugat niya sa balat.
"Miss, kanina pa ring nang ring ang phone mo, wala ka bang planong sagutin iyan?" nagtatakang tanong sa kanya ng pasyenteng kasama niya sa ward at nakahiga sa
