Umawang ulit ang mga labi niya. Dahil tumumpak ito! Napahaplos siya sa batok niya, nakapagkit ang alanganing ngiti sa labi. “Ano nga ang pangalan mo? Sorry.”
“Ravi,” pakilala nito sa sarili.
“Hi, Ravi,” aniya.
Inilahad nito ang kamay. Napatingin siya ro’n.
“Puwede bang makipagkamay?” tanong nito sa kanya.
“Ha? Oo, puwede naman.” Tinanggap niya ang pakikipag-kamay nito dahil wala namang masama ro’n.
Pero nang mapadako ang tingin niya sa labas ng classroom ay saka niya naintindihang may maaapektuhan pala. Dahil si Apollo ay nagdidilim na ang anyo ng mukha ngayon, habang nakatingin sa kanilang dalawa ni Ravi.
Bakit hindi pa ito umaalis? Gaano ito katagal mananatiling nakatayo sa tapat ng classroom?
“Sa atin ba nakatingin si Mr. Altieri?” nagtatakang tanong ni Ravi sa kanya.
“P-par
