Parang may sumakmal sa puso niya nang ibinaba ng taong nakaupo sa backseat ang salaming bintana. Nanghahaba ang leeg na bahagya nitong inilabas ang ulo para pukulin ng masamang tingin ang kotseng nasa unahan ng mga ito na mabagal ang takbo. Nagmamadali ito.
It was him. Ang dahilan kung bakit lugmok na lugmok siya ngayon. Apollo.
Napaawang ang mga labi ni Ahtisa nang mahagip ng tingin niya ang babaeng nakaupo sa tabi nito. Matalas siyang napasinghap, ang mga mata niya ay nagpalipat-lipat sa mukha ng dalawa. Hindi niya gaanong maaninag ang hitsura ng babae, pero natitiyak niyang nakasandal ito kay Apollo, at ang huli naman ay yapos ito sa mga bisig nito, na para bang takot na takot ang binata na mayugyog ang katawan ng dalaga.
That gesture, so small yet so tender, sent a fresh wave of ago
