Nagtatagis naman ang mga bagang ni Apollo habang pinupukol ng matalas na tingin ang likod ng dalaga. I will not chase her. I will never chase her, siksik niya sa utak. Nga lang ay kusang gumalaw ang mga paa niya at inilang hakbang lang ang distansya mula sa mesa hanggang sa pinto.
Umawang pa lang nang kaunti ang pinto gawa ng pagkakahila pabukas doon ni Ahtisa ay malakas na ulit iyong lumapat pasara. Dumagundong ang malakas na ingay ng marahas na pagsarado ng pinto. Nagulat ang dalaga na iglap lang ay nasa likuran na niya ito, kumuyom pa ang kamay niya sa braso nito at inikot siya paharap dito, sabay tulak sa kanya padiin sa dahon ng pinto. He did all that in under five seconds!
Napatingin sa mukha niya si Ahtisa. Nakatunghay naman siya rito. Nagngangalit ang mga ngipin niya at mabigat
