Hindi maunawaan ni Ahtisa kung bakit bumigat ang tono ng tinig ni Apollo. “Hindi lang naman ang kay Yair, pati na rin ang number ni Nina, ni Manang Loreta, ni Mang Savio, at—”
“I’ll have Ramona gather all the phone numbers of the people you’ve mentioned, except for Yair’s.”
Bakit ba parang ang laki ng galit nito kay Yair? Kung tutuusin ay matalik na magkaibigan ang pamilya Altieri at Castoldi. Nagseselos ba talaga ito kay Yair? Gusto niyang umasang unti-unti na siyang nagkakalugar sa puso nito. Hindi naman siguro aaktong ganoon kamapang-angkin si Apollo sa kanya kung wala itong nararamdamang espesyal na damdamin para sa kanya kahit kaunti lang, hindi ba?
Baka dumating din ang araw na mahalin siya nito nang tunay at wagas? Ng pagmamahal na kasingdalisay ng pagmamahal nito sa namayapang
