“Mamaya na natin pag-usapan ang tungkol diyan—”
“Mamaya na naman? Kailan ba talaga? Hindi ito ang unang beses na nagtanong ako sa iyo kung mahal mo ba ako, pero palagi kang walang sagot. Wala kang maibigay na sagot sa akin, Apollo. Ang dali lang namang sagutin ng tanong ko, ah? Oo o hindi lang.”
Hindi ito nagsalita. Nakapukol sa unahan ang mga mata nito, at nag-iigtingan ang mga ugat nito sa likod ng kamay—ang mga kamay nitong mariing nakahawak sa manibela ng sasakyan.
“Apollo…” Gumaralgal ang boses niya. “Sabihin mo sa akin ang totoo, hindi mo ako mahal, ’di ba? Kaya hindi mo masabi sa pamilya mo ang tungkol sa akin dahil hindi mo ako mahal, tama?” Bawat katagang binibigkas niya ay sobrang sakit. Bawat pagbukas ng bibig niya ay tila nauubusan siya ng hangin. Tila nalulunod siya sa mabi
