Napaigtad ang lalaking nakaupo sa sofa nang lumagabog ang pinto ng bahay. Na-expose lalo ang mga muscles nito sa tiyan nang tumuwid ito ng upo. He was naked from the waist up, lounging on the couch in nothing but his black boxer briefs. Napalingap ito sa pintuan.
Pumasok si Trinidad at sa lakas ng pagkakatulak niya sa pinto ay halos maalis iyon sa bisagra. Nagdidilim ang mukha niya. "Get the f*ck out, Ares," maigting niyang sikmat sa binata.
Painosenteng umalsa ang malalago nitong kilay. "Bakit mo ako pinagtatabuyan?"
"Mainit ang ulo ko, okay?" Napasalampak siya ng upo sa sofa katabi ng binata. Awtomatiko namang umisod si Ares para mabigyan siya ng mas malaking espasyo. Tulala siyang napatitig sa kisame. Paggising niya kaninang umaga ay pinuntahan niya kaagad ang bahay ni Ahtisa. Pero n
