39 - Confession
Summer’s Point of View
Napakurap-kurap ako matapos kong marining ang sinabi ni Sir Alexander sa akin. Gusto ko pa sana siyang tanungin kung tama ba ang pagkakarinig ko sa sinabi niya, pero kaybilis ng mga hakbang niya palayo sa akin. Ang tanging nahagip ko na lang ay ang malapad niyang likod.
Nagseselos siya?
Bakit?
“Baliw ba siya?” naibulalas ko na lang nang makabawi ako sa pagkabigla.
Mas lalo pa akong nainis sa ginawa niya. Mas lalo niya lang ginulo ang isipan ko. Sa labis na inis ay hindi ko na napigilan ang sarili ko at tumayo na ako’t hinabol siya.
“Sir!” malakas kong tawag sa kanya habang binibilisan ang paghakbang ko. “Sir!” Halos umalingawngaw ang boses ko sa buong resort dahil sa lakas nito.
Nang hindi pa rin siya lumingon ay hindi ko na natiis at tinak
