29 - Little Changes
Summer’s Point of View
Nakasimangot akong bumaba ng taxi nang makarating ako sa harap ng bar kung nasaan si Sir Alexander. Kanina pa tawag nang tawag ang manager ng bar para siguruhin na pupunta ako. Sa inis ko ay pati siya napagsungitan ko.
Pagkarating ko sa entrance ay may sumalubong sa aking isang lalaking na-polo at trousers na may kasamang isang bouncer.
“Miss Summer?” aniya nang magkalapit kami.
“Yes. Nasaan siya?” walang gana kong tugon dahil gusto ko nang makaladkad pauwi ang hinayupak kong boss.
“Dito po. Follow me,” aniya saka naunang pumasok sa loob.
Sumunod lang ako sa kanya at halos mapangiwi ako sa lakas ng tugtog na bumungad sa akin. Amoy ko rin ang magkahalong amoy ng alak at sigarilyo kaya hindi ko mapigilang takpan ang aking ilong.
Dumiretso k
