Tumalikod ako sa kanila, tahimik na sumunod kay Uncle Simon na patungo sa lamesa ng mga pagkain. Naninibago ako at nababahala sa pagiging tahimik niya ngayon.
Hindi kaya nalaman niya na ang ginawa ko kaninang pagtatago?
“Kumuha ka na ng pagkain mo,” aniyang inaabot sa akin ang kinuha niyang plato.
Nagmamadali kong tinanggap iyon.
“Salamat po Uncle Simon.” ngiti ko sa kanya.
Marahan niyang tinapik ang aking kanang balikat at itinuro ang mga pagkain sa lamesa.
“Kumain ka na muna,” utos niya sa akin.
Muna?
Ibig niya bang sabihin ay mag-uusap pa kaming dalawa mamaya?
Nagsimulang bumangon ang takot sa aking isipan. Hindi ko alam kung sasabihin ko ba sa kanya ang totoong nangyari o magsi-sinungaling ako upang hindi na siya magalit sa akin. At kapag sinabi ko ang totoo ay hindi ko al
