ERIELA
Ang masarap na tulog ng dalaga ay bigla na lang naudlot dahil sa bulabog na doorbell. Imbes na pansinin ang nakabubulabog na ingay ay tinakpan niya ang kanyang tainga ng unan at saka pumikit. Mga ilang minuto siyang nagtakip ng kanyang tainga bago niya tinanggal iyon. Nakahinga siya nang wala na siyang naririnig na ingay. Pinikit na niya ang kanyang mga mata at ipagpatuloy ang naudlot niyang tulog.
Napasabunot siya sa kanyang buhok at napabangon dahil sa ingay. Nanggagalaiting binuksan niya ang pintuan. Natigilan siya saglit nang makita kung sino ang nasa labas ng unit niya. Masama niyang tiningnan ito.
"Ikaw! Ikaw na naman?"
Napasinghap siya at hindi makapaniwalang napatitig dito nang bigla siya nitong tinulak. Ang walang hiya, hindi man lang nagpasintabi na pumasok at umupo
