“Sige na, Anghelina. Huwag mo s’yang paghintayin. Magpapasama na lang ako sa personal servant mo,” marahang usal n'ya kaya tumango nga lang ako. Iniwan ko sila ni Caty. Patakbo akong bumalik sa mans’yon. Gumamit ako ng elevator para marating ang kuwarto n’ya. Pag dating ko roon, hindi ko naman s’ya nakita.
“Over here.” Narinig ko ang malalim n’yang boses sa kinaroroonan ng kan’yang balcony. Napa-dako ang aking tingin sa kaliwa. Naka-bukas na ang sliding door doon pero may naka-lugay na itim na kurtina kaya hindi ko s’ya natatanaw sa loob. Binilisan ko ang aking mga hakbang at hinawi ko agad ang kurtinang naka-harang.
Nasilayan ko s’yang naka-upo sa black couch na walang sandalan. Naka-talikod s’ya sa ‘kin. Naamoy ko agad ang aroma ng kape. Kapit-kapit ng kanan n’yang kamay ang isang tas
