[Pagpapatuloy...]
At ang pag-alingawngaw niyon ay nangibabaw sa kaniyang pandinig. Hindi na niya namalayan kung anong nangyari, hanggang sa magkasabay na silang bumulusok paibaba sa tubig. Kaagad din silang sinalubong nang matinding lamig at walang hanggang kadiliman.
Nagising si Nathan mula sa malalim na pagkahulog nang mag-vibrate ang kaniyang phone.
Pawisan siya nang bumangon kasabay ng malakas na pagtibok ng kaniyang puso. Kaagad din niyang kinuha ang phone para sagutin iyon.
"Hello, Nathan?" pagbungad ng pamilyar na tinig.
"Abby." Halos manginig ang kaniyang tinig.
"Bakit ganiyang ang boses mo? Are you alright?" tanong nitong mapapansin sa tinig ang pag-aalala.
Pinilit ni Nathan na ayusin ang sarili sa pamamagitan ng paghinga nang malalim.
