[Pagpapatuloy]
Mayroon daw itong itinatagong anak sa kung saan. Paano nila malalaman ‘yon? Kahit nga ang mismong lolo niya, hindi marahil alam ang bagay na ‘yon. Bakit ayaw nilang tantanan ang lolo niya? Hindi naman ito taga-showbiz o isang kilalang celebrity?
Ganito na ba karumi sa business world kaya nag-uungkatan na sila ng baho ng isa't isa? Napababa na nga ito sa puwesto, ano pa bang kailangan nila?
Pero, ang mas nakapagtataka, bakit ito pinapatulan ng mga netizens?
Mabuti na lang walang sinasabing kahit na ano patungkol sa ‘anak’ daw nito.
Umakyat si Gian sa kaniyang opisina, ang pagpasok niya, naroon si Dianne sa desk nito. "Have you heard about this?" wika niya pagkasara niya ng pinto.
"Ngayon ko lang nabasa," sabi nito habang nakatingin sa laptop monitor na
