“Panget ba ‘yung ayos ko, Love?”
“Maganda ka—”
“Eh dapat yata binawasan ko ‘yung make-up ko, tsaka nag plantsa ‘ko ng buhok—”
“Wala kang kailangang baguhin.”
“Nandito na raw ba sila?”
“Yes, Love. Tayo na lang ang hinihintay sa loob.”
“Sure ba? Baka naman may gusto pa silang hintayin. Pwede rin namang mamaya pa tayo. First come, first serve—”
Narinig ko ang mahinang paghalakhak ni PJ. Hindi ko inasahang matatawa siya kaya natigilan ako sa pago-overthink ko. Dati kasi ay sobrang hirap niyang patawanin. Nakakapanibago man ay sobrang sarap naman sa pakiramdam. Alam kong hindi siya ganito pagdating sa ibang tao kaya naman masaya ako dahil pakiramdam ko espesyal ako kahit sa ganito kaliit na bagay.
Nasa parking lot na kami ng restaurant na napili ng kanyang pamilya para sa marahil ay h
