Bumalik na muna ako sa trabaho pagkatapos kong asikasuhin si Sunny.
Agad naman akong nilapitan ni Ms. Rina kaya kinutuban ako ng masama. Baka kasi narinig pala niya ang sinabi kanina ni Sunny tungkol sa kanya. Others might find Ms. Rina unlikable, but she’s been so nice to me the whole day. Ayoko namang kalimutan lahat ng kabaitan niya dahil lang ayaw ng mga tao sa kanya.
May inabot na menu si Ms. Rina sa akin kaya isinauli ko ito sa lalagyan. Dito ko naman narinig si Ms. Rina pagkatapos. “Sino ‘yon? Friend mo?” Mukhang si Sunny ang pinatutungkulan nito.
Tipid akong ngumiti. “Ay opo. Dumaan lang dito para kumustahin ang first day ko,” paliwanag ko naman kahit na hindi niya ito natanong.
Tumango-tango si Ms. Rina. “Ah. Pretty siya,” sabi pa nito na para bang may ibang ibig ipakahulug
