Dumating sila sa ospital na nakaupo na si Charles sa hospital bed nito at katabi si Axel.
"Kumusta ang pakiramdam ninyo, Papa?" tanong ni Nick kay Charles na hindi pinansin ang kapatid.
"Okay na ako, anak. Ang sabi ni dok ay puwede na akong lumabas mamayang hapon dahil wala namang nakitang problema sa pagkakabagsak ko."
"Bakit ho ba kayo nawalan ng malay?" Itinukod ni Nick ang kamay sa kama habang kausap ang ama.
"Sumama lang ang pakiramdam ko. Huwag mo nang isipin 'yun, Nick. Kumusta ang ani?"
"Kukunin na ho ng buyer sa susunod na linggo kaya puspusan na ang pagbibilad para maganda ang kalidad ng bigas. Baka kailangan niyo na ho ng nurse na laging nakabantay sa inyo?"
"Tss.. Okay lang ako, Nick. Nandito na rin naman si Axel na nangakong hindi muna aalis sa hacienda."
"Paano ang
