Naabutan ni Camilla si Nick na tulog na sa sofa pero nagkalat pa ang kung ano-anong dokumento sa sahig at center table. Nakatulugan na nito ang trabaho dahil ilang gabi na itong puyat. Siya na ang nagligpit ng mga iyon habang hinihintay niyang maluto ang nakasalang na sinigang. Napag-alaman niya kasi kay Darwin na natakam itong kumain ng sinigang sa canteen nang minsang maligaw ang asawa roon.
Alam niyang madalas ay hinahanap ni Nick ang dating buhay nito sa probinsya. Ang sariwang hangin, ang malawak na bukirin, at buhay na tila payapa na dahil maayos naman ang kalagayan ng hacienda. Dito sa Maynila, maliban sa trapik at polusyon, malaking problema ang kinakaharap nito sa kumpanya.
Habang isa-isa niyang nililigpit ang mga papel, nahagip ng mga mata niya ang isang loan application sa ba
