--Eden--
Nagising siyang wala na sa tabi niya si Zeki. Himala, mahimbing ang naging tulog niya. Napailing siya.
Kadalasan kasi dinadalaw siya ng masamang panaginip.
Paulit-ulit na lang pumapasok sa panaginip niya ang mga magulang.
Sanay na siya, kaya naman himalang wala siyang naging panaginip. Mahimbing ang tulog niya.
Napabuntong hininga siya.
Tumayo siya upang lumabas ng kwarto ngunit naka-lock 'yun. What?! Kinalampag niya ang pinto.
"H-Hey!! Buksan nyo ang pinto!!"
sigaw niya.
Napatigil siya sa pagsigaw ng may magsalita mula sa labas ng pinto.
"Pasensya na po maam. Utos po kasi ni Boss na wag kayo palabasin. Nagugutom na po ba kayo?"
Nakilala niya ang boses ni Embong.
Napabuga siya ng malalim na pagpahinga.
Yeah, right! Kinasal lang pala siya pero bilanggo pa rin siya.
