HALOS tatlong araw ding hindi nakalabas si Serena sa kwarto dahil sa pananakit ng katawan at pananakit din ng pagkakabae dahil sa unang beses na pag-angkin ni Mayor Raven sa kanya. Nagka-sinat nga din siya dahil doon. Mukhang nabigla ang katawan niya sa unang beses na may nangyari sa kanilang dalawa.
At sa loob ng tatlong araw na iyon ay hindi siya pinabayaan ni Mayor Raven. Dapat lang dahil ito naman ang dahilan kung bakit hindi siya makalabas ng tatlong araw sa kwarto, kung bakit hindi siya makapaglakad ng maayoa.
Nakiusap nga din si Serena sa lalaki na kung pwede ay ito ang umasikaso sa kanya habang nananakit pa ang katawan niya dahil nahihiya siyang magpa-asikaso sa mga kasambahay nito do'n. Nahihiya kasi siyang malaman ng mga ito ang totoong dahilan kung bakit hindi siya makalabas
