HINDI na nakatanggi si Serena sa gustong mangyari ni Mayor Raven ng ipilit nito ang gusto na doon siya tumira sa mansion nito. Lalo na noong sabihin nito sa kanya na ipapalaam nito ang nangyari sa kanya kanina sa ina nang mapansin nitong tatanggi siya sa gusto nitong mangyari.
Pumayag na lang si Serena sa gusto nito dahil ayaw niyang mag-alala ang ina para sa kanya, sigurado kasi siyang kapag nalaman nito ang bagay na iyon ay mag-aalala ito. At sa halip na mag-focus ito sa pagpapagaling ay baka siya pa ang isipin nito. Kaya kahit labag sa loob niya ay pumayag na lang siya sa gusto nitong mangyari.
Iniwan naman siya ni Mayor Raven sa kwartong inilaan nito para sa kanya sa mansion nito para makapaghinga siya. Wala sana siyang balak magpahinga pero dahil sa nangyari sa kanya kanina ay naka
