"Gusto mo bang manood muna tayo ng movie bago tumuloy sa beach?" tanong ni Kieran kay Reza pagkatapos niyang sabihing showing pala ngayon ang isa sa mga movie na inaabangan niya. "O gusto mong alis na tayo? Baka kasi inaantok ka na, eh. Puyat ka pa naman sa work."
"Okay lang naman sa'kin kung manood muna tayo. Ang tagal na rin noong huli akong nanood ng movie," sagot ni Reza. "For sure, ikaw, lagi kang nanonood. Lagi kang may ka-date, eh. Totoo, 'di ba?"
Tumawa lang nang marahan si Kieran samantalang hindi naman naiwasan ni Reza ang mapasimangot. Nagseselos siya kahit iisipin pa lang niyang ibang babae ang kasama ni Kieran sa panonood ng sine.
"Magtatanog tapos magseselos," natatawang sabi ni Kieran at saka siya inakbayan. Pinisil nito ang kaniyang balikat. "Hindi pa naman kita kilala n
