"Natakot ka ba?" may pag-aalala sa boses na tanong ni Kieran kay Reza, nang maiparada nito ang motor sa parking lot ng beach resort na pinuntahan nila.
Dahil gabi na at mga ilaw lang na may mahihinang liwanag ang nakakalat sa beach at tumatanglaw sa paligid, kaya hindi gaanong makita ni Reza ang buong lugar. Ngunit sa linis at kaayusang nakikita ng dalaga, masasabi niyang maganda itong pinuntahan nila.
Kapagkuwan ay umiling si Reza at saka tumawa. "Hindi, 'no! Malakas kaya ang loob ko. Medyo mabilis din akong magpatakbo ng motor sa amin noon. Mas masarap mag-drive ng motor na may thrill. Kahit nga sa lubak-lubak, mabilis pa rin akong magmaneho."
"Hindi mo dapat na ginawa 'yon. Paano kung napahamak ka?" Lihim siyang kinilig sa paraan ng pagsermon sa kaniya ni Kieran. "Kapag ngayon mo g
