"Damn you, Black! Ang sabi ko, subaybayan n'yo lang ang bawat kilos ni Cat. Hindi ko sinabing pagbabarilin n'yo at dinamay n'yo pa pati ang pinsan ko!" halos sumabog sa galit na sumbat ni Kieran kay Black.
Tinawagan kasi siya ni Black at sinabing nahuli raw ng mga pulis ang isang tao nito. At doon nga nalaman ni Kieran na muntikan nang mapatay ng mga tauhan ni Black sina Joanna at Dean pagkatapos na pagbabarilin sa Boracay.
"Ang linaw-linaw ng inutos ko sa'yo na siguraduhin lang na walang malalaman ang pinsan ko tungkol sa sikreto ng Animaux!"
"Gan'on na nga ang ginawa ng mga tauhan ko, Boss Wolf," mariing depensa naman ni Black. "Pero ilang beses daw na sinubukan ni Boss Cat na sabihin sa pinsan mo ang tungkol sa Animaux. Sinubukan lang siyang pigilan ng mga tauhan ko. Katulad ng iniut
