Naguguluhang napatingin si Oceana habang naglalakad siya patungo sa bahay nila ni Miguel. Kagagaling lang niya sa pictorial sa WMEA. Madilim na pero nakikita niya pa na may kaunting ilaw na nagmumula sa bahay nila. Hindi niya alam kung bakit maraming nagkalat na mga talukap ng rosas patungo sa loob ng bahay.
Hindi niya rin alam kung nasaan ang asawa niyang si Miguel. Tinanong na nga niya ang secretary nito pero ngiti lang sa kaniya ang binigay nito. Pati nga ang mga tauhan nito ay ganoon din ang ginawa! Ang lalaki pa ng ngisi! Nawe-weird-uhan na nga siya sa inaakto ng mga tauhan ni Miguel. Kung makangisi sa kaniya ang mga ito ay para bang may alam ang mga ito na hindi niya alam.
Tinawagan naman niya si Miguel pero ring lang ng ring ang cellphone nito dahilan para hindi na siya ulit tuma
