Ilang araw ang lumipas ng maging maayos na ulit ang aming pagsasama ni Angel. Simula kasi ng mabigyan ko ito ng oras pati ang anak namin, pansin ko sa mukha nito at sa mga mata nito ang kasiyahan.
Hindi na rin ito nagtatanong ng kung ano-ano. Kaya hindi ko na rin naman sinusubukan magsalita at baka bigla na naman itong tupakin. Hahayaan kong siya mismo ang magtanong at saka ko sasagutin lahat.
"So, kailan ang plano mo?" tanong ni Marc.
"Next week," sagot ko.
Kasalukuyang nasa opisina kami ng mga ito.
"Ngayon pa lang binabati ka na namin," wika naman ni Vinz.
"Yeah, sigurado masusundan na niyan si Baby Daniel," wika naman ni Denz. Sabay tawanan ang mga ito.
Ako naman 'di ko mapigilang mapangiti. Ngunit kinakabahan din ako sa gagawin ko.
"Sunod niyan binyag na kaagad kay baby p
