BUMALIK sa lungsod ang pamilya na baon sa isip ni Jade ang labis na alalahanin. Hanggang sa mga sandaling iyon ay hindi maalis sa kanya kung sino ang nagbigay sa kanya ng mga box na iyon na puro mga hindi kanais-nais ang laman. Wala naman siyang ibang kaaway at higit sa lahat ay iyon naman ang iniiwasan niya.
May isang tao lang na patuloy na gumugulo sa isip niya. Na alam niyang pwedeng maging posibleng pinagmulan nang lahat nang iyon. Si Cheska. Hindi kaya tanda na rin iyon nang pagpaparamdam nito sa kanila? Dapat na nga ba niyang ipag-alala ito?
Habang nakapikit na nakaupo at nag-iisip, naramdaman niya ang pagdantay ng braso ng asawa niya sa kanyang balikat. Tanda nang pagdamay nito sa kanya at pagpaparamdam na wala siyang dapat na ipag-alala.
"Don't mind them, okay? Narito naman a
