“Napakaganda ng motor mo. Siguro mayaman ka ano? Halata naman sa motor mo na mayaman ka eh,” nakangiting sabi ni Jethro habang nakatingin sa motor niya.
“Hindi akin ‘yan. Pinahiram lang ‘yan sa akin,” walang emosyong sagot naman ni Aikira. Ayaw niyang magmukhang mayabang kaya nagsinungaling siya sa lalaki. May mga nakatingin din kasi na mga estudyante. Kaya wala siyang magagawa kung hindi ang magsinungaling.
“Minsan nga sabihin mo sa kaibigan mo na pahiramin ako nito. Para naman meroon akong masabing maganda sa pamilya ko,” natatawang sabi ni Jethro. Hindi niya alam kung ano ang buong kwento ng buhay ni Jethro, pero sigurado siya na napakahirap nito. Lalo na’t noong nalaman niya na mahirap ang lalaki.
Noong pumunta kasi siya sa bahay ng lalaki ay nakita niya kung gaano kaliit ang bahay
