Pasado alas-diez na ng umaga nakarating ng opisina si Liz. Pagbukas niya kasi ng telepono niya kaninang umaga ay natanggap niya ang text message sa kaniya si Art na siya na lang daw ang sumama kay Diana sa shop ni Robe Garcia dahil hindi pa rin dumarating ang PR Manager nila na si Dana.
Dinaanan siya ni Diana sa harap ng condominium kasama ang manager nito na palaging nakabuntot dito at ang senior stylist ng Bubblegum & Talents na si Clanz, na kung kumilos ay mas babae pa sa kanilang tatlo. Palibhasa ay nakasama na rin niya ng ilang beses ang mga ito sa pagkain sa labas at dahil din kay Diana ay nakagaanan na niya ng loob ang mga ito.
Nauna na siyang bumaba sa 20th floor kung nasaan ang administration offices samantalang nagdiretso naman ang tatlo sa 21st floor kung saan naroon ang prod
