May kung anong pag-asa ako na naramdaman nang makita na hindi na gumagaling ang sugat na tinamo ng demonyo mula sa aking atake. Hindi ko alam kung paano nangyari ito pero tila tinutulungan kami ngayon ng tadhana. Nangangahulugan lang kasi ito na kahit kaunti ay may posibilidad na matalo namin siya.
Buong akala ko kasi talaga kanina ay mahihirapan kami sa bihasang kakayahan ng demonyo na pagalingin ang kanyang sarili. Ngunit maling akala lang pala ito. Nakatamo pa rin siya ng pinsala mula sa aking atake.
Ibig sabihin ay hindi pa kami talo, may magagawa pa kami para mailigtas ang buong bayan pati na rin ang buong emporyo.
Pagkatapos ng ilang sandali ay lutang na hinawakan ni Noir ang patuloy na nagdurugong niyang sugat sa kanyang braso at pakpak. Nang mapagtanto niya na hindi ito gumagali
