HINDI INAASAHAN ni Deina na mabubungaran niyang gising na rin si Gelo at naghahanda na ng almusal sa kusina pagkabangon niya ng alas singko ng madaling araw. Aniya'y uuwi pa siya ng apartment para roon na maligo at mag-asikaso sa pagpasok.
Pero bago siya bumaba ay sinigurado niyang nakahanda na lang siyang umalis. "O, Deina, uuwi ka na?" pagbungad nito sa kaniya.
"Oo, Gelo, e. Doon pa pa kasi ako maliligo sa apartment at mag-aasikaso sa pagpasok."
"Gano'n ba? Pero mag-almusal ka na muna, what do you want? Black Coffee or mixed coffee?"
"Ahm, 'yung black coffee na lang." Napatango naman si Gelo sa sinabi niya habang siya naman ay naupo sa may mataas na upuan ng mini bar table habang naghihintay.
Maya-maya pa'y dala na nito ang dalawang tasa ng kape at nasa mangkok na pansit para sa ka
