Aggressively
Like what I have decided, I stayed in his place. Pero pinili kong mapag-isa muna s'ya sa kanyang silid para makapagpahinga ito. Habang ako'y napiling sumalampak sa sahig sa may kusina. Naisip kong kumuha ng isang bote ng alak mula sa bar counter at pinagdeskitahan ito.
Sinadya kong huwag buksan ang ilaw dito sa may kusina. Sa sitwasyon kong ito ay para akong bumabalik sa panahong iniwan ako ng mga taong pinakamamahal ko. Iyong una si Mama pagtapos ay sumunod naman si Papa.
Parang walang pinagkaiba ang hapdi ng kahapon ko sa pinagdadaanan ko sa mga sandaling ito.
Dilim!
Dito sa dilim talaga nababagay ang isang katulad ko. Kaya nais kong sanayin ang sarili ko na mabuhay na lang sa dilim dahil mukhang dito nakaukit ang aking kapalaran.
Tahimik ang buong kusina at maging a
