JAM'S POV
Kaasar! Hindi ko na naman nasabi sa kanya kanina kung ano ang gusto kong sabihin.
Bakit naman ba kasi?!
Nagtanong na siya eh, pero natorete ako kaya hindi ko na naman nasabi.
Jam-boy, ano ba?! naiinis kong turan sa sarili ko.
Naunahan na naman kasi ako ng takot at hiya kaya imbes na masabi at makapagtapat na ako sa kanya kanina, ay hindi ko na naman nagawa.
Nakakainis ka talaga, James! sita ko sa sarili ko habang binabagtas ang daan papunta kanila Jet. Isasaoli ko pa kasi ang sasakyan na hiniram ko sa kanya kaya naman kailangan ko pang dumaan sa kanya.
Ilang minuto lang ay nakarating na ako sa bahay nila Jet.
“Manang, nasaan po si Jet?” tanong sa katulong nila.
“Nasa patio po, sir James,” sagot naman sa akin ng katulong.
“Gising pa po?”
