Bakit ba kasi ganoon sila?
Hindi ko naman talaga kailangan ng manliligaw para maging maayos at maganda ang buhay ko.
Hindi naman kailangan ang mga ganoong bagay para masabing masaya ka sa buhay mo.
Hay.
Sino ba kasi ang nagsabi na hindi ako masaya sa buhay ko?
Tumayo ako mula sa pagkakadapa ko sa kama ko at humarap sa salamin.
“Bakit, Janina, masaya ka nga ba talaga sa kung anong meron ka ngayon?” tanong ko sa sarili ko habang nakatingin sa sarili kong repleksyon sa salamin.
Yumuko naman ako.
“Masaya ako,” sagot ko sa sarili kong tanong. “Hindi ko kailangan ng kung sinong mga ponsio pilato para lang maging masaya ako.”
Nag-iba na naman ang itsura ko.
“Oo, sabihin na nating hindi mo kailangan ng kung sino mang tao na magpapasaya sa iyo, kasi nga siya
