Hindi ko inaasahan ang maririnig kong pagtatapat ni Janina kanina.
Hanggang ngayon kasi ay napapaisip pa rin ako.
“Kaya pala ayaw niya talagang magpaligaw kasi mahal pa rin niya ang ex niya,” naiwika ko habang nagmamaneho ng kotse ko. “Ano ba kasi ang nangyari sa kanila?”
Gustuhin ko mang alamin kung ano ang nangyari sa relasyon nila ay wala naman akong karapatan.
Basta ang alam ko lang sa ngayon ay si John pa rin ang mahal niya.
“How lucky he was,” naiiling ko na lamang na sambit.
Nang makauwi na ako sa bahay namin ay napaisip ako.
Kung itutuloy ko ang panliligaw ko sa kanya, alam kong wala akong chance.
Actually, parang maraming beses na nga akong basted sa kanya eh.
Hindi ko na mabilang.
Ako lang kasi talaga ‘tong makulit.
Ako lang ‘tong sunud
