Kinaumagahan ay mugto ang mata ni Elena nang gumising. Mabuti nalang at late siyang bumangon. Wala na siyang kasama sa kama at isang post it note lang ang nakita niyang nakapatong sa bedside table. Si Alvin ang naglagay niyon at may nakasulat na pumasok na ito ng opisina at may inihanda na din daw itong breakfast niya.
Bumangon na siya at dumeretso sa banyo para maligo. Kumain na din siya ng agahan pagkatapos ay naglinis ng bahay. Inilibot niya ang tingin sa condo ni Alvin. Tiyak na ma-mimiss niya ang lahat ng sulok ng condo na ito. Ang masasayang ala-ala nila ng lalaking labis niyang minahal.
Dinampot niya ang kanyang cellphone at tinex ang ama. Sinabi niya kung saan sila magkikita at kung anong oras. Ang totoo ay nagdalawang isip parin siya sa plano niya ngunit wala na siyang naisip
