Pagod ang buong katawan na nagising siya. Para bang bawat parte nu’n ay dinaganan ng mabigat na bagay. Nakatitig lamang siya sa kisame nang ilang minuto bago napagpasyahang lumabas.
Paglabas nga niya ng kuwarto ay lahat nakatuon ang tingin sa kaniya. Tila kanina pa siya hinihintay ng mga ito na magising.
“Loli,” wika ng kaniyang tiya.
Nakangiting tumayo ito at nilapitan siya.
“Buti naman at gising ka na. Anong oras na rin kasi. Nagluto ako ng mga paborito mong pagkain. Tara sa kusina, kumain ka na,” wika nito.
Ngumiti naman siya nang tipid dito at tumango. Natakam naman siya nang makita ang mga pagkain. Nakangiting lumabas ang knaiyang tiya.
“’Ma? Kumain ba siya?” tanong ni Nicka sa ina. Tumango naman ito.
“Oo, nukhang gutom na gutom nga,” sagot nito.
Nakahinga naman sila nang malu
