Dahil nga sa takot na baka iwan na naman ni Loli ang binata ay kaagad na hiningi nito ang kamay niya sa kaniyang mga magulang. Masayang pumayag naman sila at ngayon nga ay kasalukuyang nakatira si Loli sa bahay ng binata habang naghihintay ng kasal nila.
Napagkasunduan nilang huwag na munang magmadali at marami pa silang dapat gawin. Plano niya ring mag-aral ulit kapag naisaayos na lahat.
May importanteng lakad si Callum kaya naiwan silang dalawa ni Geng-Geng sa bahay. Tumulong siya sa paglilinis at nang matapos ay pumunta siya sa harap ng bahay. Nilinisan niya rin at tinaniman ng mga bulaklak at namatay na nga ang iba. Mukhang napabayaan na dahil basta-basta lang sigurong nilagay roon para may palamuti.
Habang nagbubungkal nga ay natigilan siya nang makita ang kotseng papasok. Hindi iy
