Biglang umuwi si Terrence sa Pilipinas nang malaman niya ang biglaang pagsugod ng mga kalaban kay Gabriel na kaniyang kaibigan. Ayaw man sana niya ay mabilis niya iyong nasagap kaya naman kahit mahirap sa kaniyang iwan si Fiona na mag-isa sa kaniyang condo ay ginawa pa rin niya.
Wala kasi siyang choice. Dahil nga kailangan siya ng grupo at ang kaniyang boss naman ay si Kazimir ay wala siyang magagawa. Oo, magkakaibigan sila pero hindi ibig sabihin no'n ay isasantabi na niya ang kanilang pagkakaibigan sa kaniyang pansariling kasiyahan lamang.
"What happened?" tanong ni Terrence kay Kazimir.
Napalingon naman kaagad si Kazimir nang makita niyang kadarating lamang ni Terrence. Magulo ang kaniyang buhok at halatang hidni pa ito nakakatulog nang maayos.
Medyo naawa naman si Kazimir sa kaniya
