Umismid si Francine sa kaniyang narinig dahil halatang kabado si Terrence. Wala naman siyang balak na ipahamak si Francine pero kinakailangan kasi niyang makialam ngayon lalo pa nakakaramdam siya nang hindi maganda.
Nagpalit na rin siya ng kaniyang damit dahil hindi naman siya puwedeng nakapantulog na lumabas at makipag laban na lang. Delikado iyon lalo pa at katawan ni Fiona ang kaniyang gamit saka baka magalit pa nang husto si Terrence.
Napailing na lamang si Francine at saka itinali ang kaniyang buhok dahil ayaw niyang may sagabal sa kaniyang mukha lalo na kapag nakikipag laban siya.
Huminga siya nang malalim at dahan-dahang naglakad papunta sa pinto habang hawak ang baril na nakasuksok sa kaniyang bulsa.
Ang kaniyang suot ngayon ay isang puting shirt at itim na fitted pants. May su
