Chapter 19
BRIELLE…
ANG SAKIT ng buo kong katawan kinabukasan pagkagising ko. Para akong dinaanan ng pison sa sakit ng katawan ko lalo na sa may bandang singit ko. sobrang sakit na halos hindi ako makalakad sa sobrang sakit. Pero kailangan kong tumayo at maghanda ng agahan namin ni Bullet, iyon ang trabaho ng isang may bahay.
Ganoon ang nakikita ko kay Mommy, inaasikaso niya si Daddy bago pumasok sa trabaho. Though hindi naman si Mommy ang nagluluto ng agahan namin. Pero siya pa rin ang abala sa aming mag-ama, inihahanda niya ang mga kakainin namin at maging ang isusuot namin.
Huminga ako ng malalim, bago dahan-dahan na naglakad papunta ng banyo. Kanina pa ako nakatayo, na sa totoo lang challenging rin ang pagtayo dahil nga sa sakit ng balakang ko. sa paglalakad naman paika-ika pa ako
