HINDI ko iyon pinagtuonan ng pansin. Hinawakan ko na lang ang bote ng wine saka binuhusan ang wine glass. Nang kumahalati ang baso, pinasok ko pabalik ang bote sa bucket at kinapitan ang handle ng baso.
“Why are you so curious about this establishment? Akala mo ba, miyembro kami ng mga sindikato?” natatawang tanong n’ya sa ‘kin. Napa-higpit ang pagkakakapit ko sa baso.
“Naninigurado lang ako sa kinabukasan ko at baka madamay ako sa mga akibidad n’yo,” depensa ko naman.
“As you can see, this building is just a hotel.” Hindi ako naniniwala sa sinasabi n’ya. Nilapit ko na ang wine glass sa aking bibig. Dinikit ko sa ring ng baso ang mga labi ko at dahan-dahang nilagok ang laman habang umaangat ang aking ulo. Nainom ko iyon sa loob ng ilang segundo lang at damang-dama ko ang tamis pati a
