Bago nahiga sa kaniyang kawayang kama, kinuha ni Gennie ang gasera at saka ipinatong ito sa maliit na mesa na gawa rin sa kawayan. Kumuha siya ng papel at saka pluma. Magsisimula siyang susulat kay Pat. Nagtataka talaga siya kung nasaan nakalagay ang sulat na ibinigay ni Nerio. Naalala niyang ga-graduate na pala si Pat dahil narinig niya ang sinabi ni Nerio na luluwas sila ng siyudad pero hindi niya alam kung kailan. Tatapusin niya ang sulat at agad na ipapadala ito kay Nerio. Hindi niya alam na nakaalis na ang mga ito sa mismong pagdating nila mula sa bayan nang ipasuri si Aling Bibang.
‘Kumusta ka na, Pat? Nami-miss ko na ang samahan nating dalawa. Siya nga pala, pasensiya kung ngayon lang ako nakasulat ha. Naging abala kasi ako sa pag-aalaga kay Inay. Alam mo, lagi kong naaalala ang mg
