Hinagilap ni Pat ang kaniyang mga saplot at dali-daling nagbihis. Ilang beses ding inalo ni Pat si Alma dahil hindi na rin matigil-tigil ang iyak nito. Hindi na rin alam ni Pat kung ano ang sasabihin nito sa dalaga. Ilang beses ding iginiit niya kay Alma na walang intensiyon para sa kaniya ang nangyari sa kanila dahil wala ito sa kaniyang katinuan at sarili dahil lunod na lunod ito sa kalasingan.
“Umuwi na tayo, Alma, tiyak na hinahanap na ako ni Tiya Nora,” pakiusap ni Pat at ibinigay na rin niya sa dalaga ang damit nito na napulot niya sa sahig.
“Paano ako, Pat? Paano tayo?” humihikbing tanong ni Alma.
Napabuga nang mahinang hangin si Pat. Kahit balig-baligtarin man, wala talaga siyang nararamdaman para kay Alma. Hindi niya akalaing umabot sa ganito ang nangyari. Napasuntok siya sa di
