Naging masalimuot na ang pagkakaibigan nina Pat at Gennie. Kapwa may sama ng loob ang kani-kanilang mga puso. Wala na silang balita sa isa’t-isa. Kahit masakit, kinailangang tanggapin ni Gennie ang kaniyang kapalaran para sa lalaking minahal niya noon pa man. Walang sinayang na sandali si Hernan. Laganap na nga sa kanilang lugar ang tungkol sa kanilang dalawa. Marami rin ang nanghihinayang sa samahan nila ni Pat. Minsan, narinig din niya ang mga sabi-sabi ng kanilang kababaryo.
“Naku, akala ko sina Patricio at Gennie ang magmamabutihan pagdating ng araw. Halos hindi na nagkahiwalay ang dalawang iyon noong kapanahunan.”
“Akala ko nga rin eh, bagay na bagay sila ni Pat dahil kapwa sila responsible at saka mabait na mga bata.”
“Iba na kasi ang buhay ngayon, si Patricio ay doon na namalagi
