KASALUKUYAN kaming kumakain ng agahan ni Gerlyn ng dumating sina Sir Aaron at Eve. Tuwang-tuwa naman ang anak ko na sinalubong sila sa may pinto ng dining area, at niyakap niya ang kanyang Mommy Eve. Binuhat naman siya ni Sir Aaron, saka pinaghahalikan ang pisngi ng anak ko na tila sabik na sabik ito sa bata.
"I miss you much po, Daddy A! Where is my present po?" sambit ni Gerlyn sa kanyang Daddy A. Ang lawak din ng pagkakangiti ng aking anak, dahil sa tuwa niya ng makita niyang dumating ang dalawa.
Hay naku! Ang anak ko talaga na mukhang presents. Nasanay na kasi siya na laging may pasalubong sa kanya ang mag-asawa, kaya ngayon ay naghahanap na siya ng pasalubong niya.
"There! Inside the luggage." sagot naman ni Sir Aaron, saka tinuro ang mga dala nilang malalaking maleta na dala ng
